பட்டடா வடா

Image

பட்டடா வடா (Batata Vada). இதற்குப் பூர்விகம் என்னவோ மகாராஷ்டிராதான். ஆனால், வட இந்தியா முழுக்க இந்த டேஸ்டி உணவுக்கு ரசிகர்கள் ஏராளம். வட இந்தியா பக்கம் ரயிலில் பயணம் செய்தவர்கள் நிச்சயம் இதை சுவைத்திருப்பார்கள். மராத்தியில் ‘பட்டடா’ என்றால் உருளைக்கிழங்கு என்று பொருள். நம் ஊர் உருளைக்கிழங்கு போண்டா மாதிரிதான். என்ன… தொட்டுக்கொள்ள மிளகாயும் பிரத்யேக துவையலும் சுவையை மாற்றிவிடும். மும்பை தெருக்களில் உள்ள கடைகளில் அதிகம் பார்க்கலாம். உருளைக்கிழங்கு பூரணம் வைக்கும் முறை இடத்துக்கு இடம் மாறுபடுகிறது. மகாராஷ்டிராவுக்குள்ளேயே பூனாவில் ஒரு சுவையும் நாசிக்கில் ஒரு சுவையுமாக இருப்பதற்கு அதுதான் காரணம். மழைக்கால மாலையில் சுடச்சுட பட்டடா வடா சாப்பிடுவது… சுகானுபவம்!

என்னென்ன தேவை?

வேக வைத்த பெரிய சைஸ் உருளைக்கிழங்கு – 4, பச்சை மிளகாய் – 6 (விழுது), இஞ்சி, பூண்டு விழுது – 1½ டீஸ்பூன், எலுமிச்சைச்சாறு – 1 டீஸ்பூன், கொத்தமல்லித்தழை – சிறிதளவு, எண்ணெய் – பொரிப்பதற்கு.

தாளிக்க…

எண்ணெய் – 2 அல்லது 3 டீஸ்பூன், கடுகு – ¼ டீஸ்பூன், சீரகம் – ¼ டீஸ்பூன், பெருங்காயம் – சிறு விள்ளல், மஞ்சள் தூள் – ½ டீஸ்பூன், உப்பு – தேவையான அளவு.

மேல் மாவுக்கு…

கொண்டைக்கடலை மாவு – 1 கப், தண்ணீர் – ¾ அல்லது 1 கப், மஞ்சள் தூள் – ½ டீஸ்பூன், உப்பு – தேவையான அளவு, பேக்கிங் சோடா – சிறிது.

எப்படிச் செய்வது?

உருளைக்கிழங்கை நன்கு மசிக்கவும். மிகவும் குழைவாக இருக்கக்கூடாது. வாணலியில் 2 டீஸ்பூன் எண்ணெய் விட்டு, கடுகு, சீரகம், பெருங்காயம் தாளித்து, மஞ்சள் தூள், பச்சை மிளகாய் விழுது, இஞ்சி, பூண்டு விழுது போட்டு 10 வினாடிகள் வதக்கவும். அதன் மேல் மசித்த உருளைக்கிழங்கைக் கொட்டவும். எலுமிச்சைச்சாறு, தேவையான உப்பு சேர்க்கவும். வாணலியை இறக்கி, உருளைக்கிழங்கு கலவையை நன்கு பிசைந்து, 1 ½ இஞ்ச் அளவு உருண்டைகளாகப் பிடிக்கவும்.

மேல் மாவு செய்யும் முறை…

ஒரு கிண்ணத்தில் கொண்டைக்கடலை மாவை எடுத்துக் கொள்ளவும். அதோடு தேவையான அளவு உப்பையும் மஞ்சள் தூளையும் சேர்க்கவும். தண்ணீர் விட்டு பஜ்ஜி மாவு பதத்துக்கு கரைக்கவும். பேக்கிங் சோடாவை சேர்த்து நன்கு அடித்துக் கலக்கவும்.

அடுப்பில் கடாயை ஏற்றி, எண்ணெய் ஊற்றிக் காயவிடவும். பொரிக்கும் அளவுக்கு காய்ந்ததும், மேல் மாவில் உருளைக்கிழங்கு உருண்டைகளைத் தோய்த்து, எண்ணெயில் போட்டு பொரித்தெடுக்கவும். ஒரே நேரத்தில் 2 அல்லது 3 உருண்டைகளைப் பொரித்தெடுக்கலாம். சுடச்சுடப் பரிமாறவும்.

– மேகலா பாலசுப்ரமணியன்

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s